韓國錦城飯店 (已搬遷) 新店位置

早一個月同老婆幫趁過，一道牛肋骨，當時我記得只係有兩三嚿蘿蔔，牛肋骨多到食唔晒(最少有七八嚿)，打包返屋企食多餐。尋日再同老婆幫趁，同一道牛肋骨竟只得四嚿，而且蘿蔔有成八九嚿。價錢係冇變，但牛肋骨嘅份量已經得返一半。海鮮煎餅摷勻都唔多覺有海鮮，只係有零星嘅魷魚粒，全無海鮮味。石頭飯亦少咗肉同配料。另外值得一提係店內有位疑似菲律賓人做侍應，由於人手少，佢做得辛苦就向食客發洩，態度惡劣。大家如果遇到咁嘅情況，唔使同佢客氣，可以嘲笑同鬧返佢轉頭佢就冇聲出，亦唔使畀貼士。雖然通脹來臨，食肆經營成本上升。但好多時啲食肆偷雞偷到過咗籠，咁偷工減料法遠遠拋離通脹升幅。呢家啲食客好精明，咁做只會做衰個招牌。