木玥巷 (已結業)

中午放飯同同事出外搵食 路過呢間木玥卷之前都想試好耐，今次有機會就即場試試佢個招牌牛肉麵。牛肉麵有4大塊牛展，厚身，肉質偏腍，有1大舊紅蘿蔔同白蘿蔔，蘿蔔無渣幾甜，算料唔錯，湯底偏淡算係清，無味精同油，配料基本上做得唔錯，但個麵煮得太腍，大力少少都夾得斷，口感唔好扣分。另外同事就叫左個酥炸排骨飯，豬排炸得好酥脆，調味都幾好，另外跟左個幾特別既醬，有少少柚子味同梨味，幾清新，但唔記得影相。整體叫還可以，但麵太腍唔知係咁岩唔好彩還是佢本身係咁。