牛壹台食 (已結業)

-招牌紅燒牛腱心牛肉麵(鮮製幼麵) $78果然係招牌！！！牛腱心燜得入味軟腍，筋同肉嘅比例非常好，好鐘意啲筋能夠保持彈牙。另外，麵質爽滑Q彈，湯底香濃。-台式滷肉拌飯 $58本人係「汁怪」，食飯點都要撈啲野，濕濕地先入到口。滷肉香嫩肥美，肉汁夠鹹香之餘亦帶有一點甜味，送飯一流。-台灣香腸$24表皮香脆，配埋生蒜🧄刺激味蕾。-金梅地瓜條(跟餐) $28地道台灣夜市小食，鮮炸蕃薯條加上酸甜梅粉，非常醒胃。-百香果紅茶(跟餐) $2百香果味清新，同時亦飲到紅茶嘅香。-凍黑糖珍珠鮮奶茶(跟餐)$10珍珠QQ彈牙，黑糖唔會過多以致死甜。