堅韓牛韓燒放題 (已結業)

約舊朋友見面，貪呢度方便 ，食lunch time會比夜市平，加上可以一邊慢慢燒一邊傾計，坐得幾舒服。星期日午市，就算夠鐘餐廳未full佢都唔會趕你走，慳返糖水錢。我地叫左1＋＋頂級韓牛餐，成人每位$238加一，牛既質素都算好好，因為size夠大，易燒唔易焦，仲要一開始就送上韓牛拼盤 ，全部都係頂級牛，已經可以一次過試好多唔同既牛部份。我地今次都叫左好多款前菜，因為韓國餐廳點少等林林總總既前菜：泡菜，芽菜，菠菜，青菜。醃得幾地道，我覺得用細碗分開一碗碗咁上會更似韓國既做法。除左燒肉，都叫左個泡菜火鍋，試過直接放牛肉落去煮都好林好好味。如果唔想熱氣可以試下咁食法。仲叫左蔬菜，個爐幾好，連蔬菜都燒得幾靚。最後仲有雪糕做甜品，雖然唔係咩大牌子，但味道唔錯仲可以任食。So far坐得舒服又傾得開心，值得去食既韓燒。