清真牛肉館 (龍崗道) (已結業)

有一段時間無來九龍城，今日要來買食材去朋友屋企，未買之前先食左午餐先，通常都係食泰國菜，不過今次朋友建議去食清真牛肉館，想起已經係好耐以前食過，仍然好掛住它的牛肉餅。星期日中午時間，唔多人唔駛排隊，坐低後先叫左兩件牛肉餅，然後我再要碗酸辣湯麵，朋友就要個麻醬雞絲冷麵。牛肉餅落完單即刻就到，煎得表面好脆，食嘅時候要小心入面的湯汁，湯汁非常多，令到食個牛肉餡時牛肉味更加濃，又唔會乾身，所以真係鎮店之寶。至於我的酸辣湯麵好大碗，表面有少少辣油，撈混之後成碗麵更加香辣，而且碗麵好足料，入面有好多冬菇絲，筍絲和肉絲，加上碗麵又熱又辣，食完都真係會出一身汗😅，但味道確係好味。