金越牛肉粉專門店 (已結業)

今日同朋友去尖沙咀睇完運動服飾去附近找地方醫肚，經過金馬倫道見這間好似新開有中午套餐，所以諗住試下。餐廳環境十分闊落，新裝修夠光猛，坐得比較舒適，係尖沙咀算難得一見。由加拿大回來已經很久無食pho，因為本身香港的越南粉比較遜色，但我自己今次試左佢個金越牛三寶湯粉，的確令我刮目相看。這個粉的湯底夠濃，十分香濃的牛肉味，十分似係加拿大食的味道。份量都夠大食得幾飽。唯一可以要多些芽菜仔便會更正。朋友叫咗碗香茅豬扒檬，見到係真正越南食開的檬粉，不是香港一般用米粉或賴粉代替。豬排份量夠多，豬扒的質感好香口，香茅味十足，值得再食。Overall，價錢係尖沙咀區算平，落單5分鐘後已經有得食，出餐算快，所以很surprise見到這裡的食評話要等好耐。下次再來的話，會試個蝦膏蕃茄湯粉，見到隔離枱食個賣相不錯！