德家日式燒肉店 (已結業)

起碼有三年無食過燒肉，無端端癮起，咁啱見到廣告好似幾吸引嘅燒肉放題，就去到好方便嘅旺角創興廣場擦返餐。海鮮拼盤，安格斯拼盤，刺身拼盤各一份加燒肉任食2小時都只係$328. 無限添食嘅牛有極上牛肋肉， 一口牛，牛脊肉，香草牛肋條，牛舌，牛胸腹，任食牛嘅餐廳嚟講，依間算係多種類(部位選). 我哋最鍾意係牛肋肉，佢出嘅通常較瘦，食多幾片都無咁驚肥，有一次嚟嘅係脂肪比例平均嘅，嗰次係最正！ 而你係比平時食嗰啲高脂肪所以十分香口， 食落有啲爽， 朋友勁鍾意點咗幾轉.  鍾意有少少嘅可以選擇牛胸腹會有多少少脂肪，燒起來比較香。唔明我仲有點咗芝士波波腸， 日式甜蛋，甜甜地，有啲暖和，個邊有點脆口，推介大家點嚟食。除咗自己用qr code點嘅食物之外，出面都有好多嘢食，例如丸精，蔬菜，香腸，餃子等等，仲有凍蝦, 日本前菜沙律，泡菜等等，飲品有常見嘅汽水，紙包飲品等等，仲有幾款佢哋自己家制嘅飲品，例如玄米無糖茶，冷泡水蜜桃無糖烏龍茶，無糖紅茶等等，食完燒肉飲啲無糖茶會消滯一點再食過！最後當然要食甜品！除左有不同選擇嘅蛋糕仔，仲有山水豆腐花,仲有movenpick 雪糕食，大家記得留下肚食吖！