韓膳宮 (已結業)

之前一直好想食韓國燒肉，近近地就去咗旺角韓膳宮韓國料理。首先就會提供前菜，前菜都可以無限添加！推薦，三文魚刺身好肥美，亦都好新鮮。雞腎黎講我最鍾意就係食佢嘅口感，好爽口。頂級韓牛肩肉同頂級韓牛板腱肉，望到油花好靚，油脂味都幾香。呢度仲可以配生菜同蒜頭一齊食燒肉，咁就冇咁油膩，同埋前菜嘅泡菜都幾好味，又唔會過辣。自己就最鍾意個泡菜湯，新鮮滾熱辣上枱，送到過嚟嘅時候係出晒煙，入面有好多豆腐、蔬菜、泡菜，飲落肚暖笠笠，幾塊肉、幾啖湯，正！總括而言，經濟實惠，食物質素高，性價比非常高。