616牛肉火鍋專門店

营业中

休息中

616好就好在每碟細細碟牛肉款式多每樣都可以試下，不過其實試完都唔係好記得邊款打邊款牛肉色澤鮮紅，睇落都幾新鮮，不過如果食開牛頸脊或者和牛依啲脂肪比例多啲嘅牛肉會略嫌616嘅牛肉欠缺牛脂嘅油香。牛肉餃雙併嘅麻辣餃都幾辣下，淥得太耐仲會皮肉分離，建議大家淥熟就好快啲拎起，唔係啲麻辣汁就會漏晒出黎。個醉雞卷都幾好食，食到有香甜嘅酒味。炸魚皮同響鈴都係正常野，至少夠鬆脆。4個人一人叫左1杯酒飲，尖沙咀依間616麥子特式係有好多種類嘅啤酒揀，都幾有小麥香。依間都食過幾次，雖然有book位，不過見到都唔算話好多人要等位。如果人少少的話黎依度打邊爐幾好，唔洗份份都大大碟驚食唔到啲乜。