驚安燒肉商店

营业中

休息中

這裡牛肉高質而且啤酒仲要買一送一咁抵當然同牛控一起來吃燒肉啦。 #驚安燒肉商店原條切牛舌有全條同半條，因為我們得2人就要了半條$115，待應會幫手燒再剪好，口感表面微脆入面食到牛舌軟熟感，有幾款醬汁食，我就最喜歡加少少椒的微辣感。封門柳和和牛牛頸脊各有特色，2款都牛肉燒完都保持到嫩感，再加添口感好味。和牛壽喜燒，待應會幫手燒，會問要燒到邊個程度，肉好嫩又滑，配上醬汁和蛋令到味道更加濃郁，一口飯一起食幾特別。日式薯仔沙律(卡樂B)，原來除了薯仔入面仲有不少菜絲，再加上薯片碎增加口感。豬五花，味道濃有少少豬油香，帶點脆口好食。最後加了紫菜飯，份量都不少約3碗，好香而且蛋味十足。生啤有買一送一，真心抵飲，日本牌子出面街都不止這價錢，而不太飲啤酒的我就加了汽水有啤酒味之餘又清淡點。其實這裡肉類不少，而且其中一個叫「九宮格」系列，有齊不同肉都不錯，岩一啲心大心細的朋友去食。