老街 (彌敦道)

营业中

休息中

幫襯左幾次既台式食店食物味道同質素都幾好。咁多次我地都有叫牛肉，呢度既牛肉真係直得一食，因為一般叫牛肉麵多數都會韌同「鞋」，通常叫牛腩先有啲滑既根或脂肪，但呢度既牛肉係有啲似牛𦟌部位或牛坑腩既肉咁靚，有咬口又淋滑，而且啲醬汁甜甜地幾好味，所以次次都會叫牛肉麵，不論湯麵、伴麵都唔錯。我自己喜歡伴麵，因要戒凍食。有時有啲伴麵係凍冰冰。呢度既伴麵係暖既，而且有少少湯汁，食到底都唔會有乾淨淨既感覺。另外，佢地既魯肉飯、豬腳都唔錯，豬腳好大份，都叫抵食。