喜惶點心專門店 (已改名) 查看

人大咗真係幾鐘意食點心，除咗酒樓，點心店我都好鐘意，款式多，而且等嘅時間快啲，清靜啲。今日約咗兩個朋友去旺角行街，見到呢間點心店，客人唔算多，天氣咁熱都唔多願行，就喺呢度食嘢休息吓。店舖細細間正正方方，分上下兩層，枱排得好密，密過放題，坐得有啲唔舒服。食物款式都唔少，味道可以，有啲做得唔錯，服務態度就普通。千層紅棗糕係送嘅，每位一粒，都幾煙韌。晶瑩鮮蝦餃，比較細粒，皮都算薄。陳皮山竹牛肉球，唔太淋，有肉嘅咬感，唔錯。竹炭熔岩奶皇包，流沙做得唔錯，好味。蔥花炸兩腸粉，裏面都幾脆。蜜瓜炸鮮奶，係某牌子嘅蜜瓜味荳奶，都幾得意嘅，味就一般啦。粟米煎牛餅，雲吞皮包住牛肉炸，同牛肉球差唔多，乾身少少。叫咗兩個蒸飯：飯唔太乾，啱我，覺得唔錯。籠仔荷葉北菇蒸飯，無荷葉香。豉汁鳳爪排骨飯綠茶桂花糕，下面嗰層無咩綠茶味，上面就係桂花糕味。