牛站(駅)麻辣火鍋放題

位於尖沙咀加連威老道的「牛站麻辣火鍋放題」，絕對係放題控必試！餐廳環境闊落，坐得舒服，最啱同朋友慢慢吹水打邊爐～

湯底首推招牌麻辣鍋，麻香勁道又唔會死鹹，配埋清甜嘅養生鍋，balance得剛剛好！重點係佢哋嘅牛肉質素真心高，安格斯牛片片油花靚，淥兩淥就食得，入口軟嫩牛味濃，encore再多碟都唔膩！海鮮粉絲都唔會失望，大蝦爽彈、蜆肉鮮甜無沙，仲有墨魚仔同魚，款式多又夠新鮮！

飲品櫃仲誇張，由汽水、茶類到紙包飲品，勁多選擇任飲！甜品區一樣精彩，有軟雪糕、自家製奶凍同蛋糕仔，飽到上心口都要食多兩轉～服務態度好，收碟快，性價比高，記得早少少book位避開人流呀！