饕牛記 (已結業)

同一大班朋友食飯，多數都係打邊爐。今次呢一間專食牛的火鍋店，又好味、又食得飽。店內有一個睇到內部既廚房，可以見到佢地一邊切啲新鮮既牛肉出來，一邊食住高質既黃牛肉。餐廳標榜既就係食盡牛唔同位置既肉，好肉胸口肉、牛𦟌，你講得出佢都會提供到。唔單止牛肉，牛雜都應有盡有。牛柏葉、牛肚、牛腸，全部都有供應。而牛丸亦係新鮮手打，十分彈牙。除左火鍋料外，仲有少少熟食。當中最鐘意既有牛肉炒飯同埋牛肉炒芥蘭，兩樣都好有鑊氣，又食啲菜健康啲。雖然價錢都幾高，但係都幾適合一班人飯聚。