NUTTEA (旺角中心第一座) (已結業)

今日嚟旺角美甲，順便行吓旺角中心，睇吓有無好野可以啱買。行行吓，覺得有d口渴。於是，想起朋友之前提過，旺角中心有間健康飲品店，用鮮果攪拌而成。所以，上去一樓，試吓呢間飲品店。上到店舖，見到Menu，其實選擇都有好多，有奶蓋系列，又有堅果奶系列，連伯爵茶都有得賣。總之，形形色色樣樣都有啦！我今次就選擇左牛油果堅果奶，呢杯飲品喺用新鮮牛油果同鮮奶攪拌而成的，而且，侍應問我，選擇無糖，微糖，多糖等等，咁樣你就可以因應自己嘅喜好去選擇啦。我咁健康就選擇無糖牛油果堅果奶。可能喺新鮮牛油果打成嘅關係，感覺好清新，而且，牛油果充滿維他命E及C，飲左之後，補充體力，成個人都充滿正能量。下次嚟，一定會試吓其他款式。