茶理史 (已結業)

朋友話試過依間〈茶理史〉覺得幾好唔錯，今日去開附近睇主題展就順便過嚟幫襯一下。嚟到都嚇咗一跳，真係好多人排緊隊。同其他飲品店一樣，menu都已經放喺當眼處，大家喺幾個身位外睇清楚，諗清楚想飲乜就去排隊畀錢。由於太多人所以唔想企喺度等咁耐，所以見到是日推介，就同老婆買一杯一齊飲。牛油果味唔算濃有少少似草青味咁雖然不算乞人憎，但沒有我預期中的creamy效果。奶味偏重但唔可以話好濃厚卻尚算順滑的。小芋圓有煙韌嘅口感但沒有彈牙的感覺。成杯嘢唔算差但係未致到話好好飲。拿飲品時店員仲好貼心提我哋千祈唔好反轉個杯，因為個蓋其實係可以旋轉開另一個非常大嘅開口。30蚊一杯，合乎市價，雖然飲品未見非常突出，但可以再飲。