Simplylife Bakery Cafe

营业中

休息中

今晚家姐話想食牛排，見到popcorn嘅simplylife到食排，simplylife可以用app拎籌。晚市set加30蚊，就跟沙律/湯同野飲，野飲就有水果冰荼同汽水揀，我同我家姐一個揀左沙律，一個揀湯。沙律材料十分豐富，平時嘅跟餐沙律只有一款蔬菜，但呢款就有幾款，例如生菜、沙律菜同蘆筍。個人推介揀湯，個湯煮非常有誠意，啖啖都係濃郁嘅菇，好明顯係好多嘅菇打成蓉，都其他餐廳嘅普通嘅忌廉蘑菇湯。牛排就有D失望，有D過老，肉味唔夠，配個熱情果醬其實對塊排無咩幫助。香煎大蝦扭扭粉，個扭扭粉好彈牙，未食過呢種質感嘅扭扭粉，個汁個人認為有D偏甜，可以偏酸返少少，個蝦都幾鮮，但得一隻大蝦，唔係幾夠喉。今日嘅水果冰茶係橙冰茶，個人認為幾出色，星期五果時飲左杯好難飲嘅水果冰茶，果然係一分一錢貨，我飲第一啖，個橙香味就係口入面散發開去，好清新嘅感覺，炎炎夏日，飲返杯，確實消暑宜人！本身都對美心旗下嘅餐廳無咩好感，但今次有D改觀。