我同2朋友知道愉景新城嗰間pokka Cafe出咗抵食嘅牛扒，所以我哋就約埋一齊去食飯，點知有個朋友要開OT，咁我哋就等埋佢先一齊去食。
原來呢度除咗牛扒之外，仲有炒飯同埋炒烏冬。我就叫左一個澳洲M7和牛，而佢哋就叫咗一個鐵板豚肉炒烏冬同埋鐵板牛肉炒飯。
呢個係我叫嘅澳洲和牛，揀咗蒜蓉汁。呢個和牛牛肉味好重，而且我揀咗五成熟，所以好容易就切開，入面仲好juicy添。
而且加$29仲有兩隻帆立貝，帆立貝粒粒都好似$5銀咁大，味道鮮甜又有彈性
呢個就係朋友叫嘅鐵板豚肉炒烏冬，炒得好夠鑊氣，旁邊仲可以有醬汁自己加。
總括嚟講，呢度地方好大，仲有圍裙提供，唔使怕啲油煙彈到周圍都係，而且坐得都好舒服，唔會迫迫夾夾咁，最重要嘅係個價錢好抵，平時食個牛扒餐都要幾百蚊，所以呢一個價錢食到咁嘅質素，真係無得輸。
