Urban City Diner (已結業)

放假日緊係要四周圍搵下好嘢食，今日嚟到東涌東薈城食好西。Urban City Dinner 又係美心集團旗下的其中一間食好西之地。 由於聖誕長假期， 餐廳方面仍然提供緊節日全日餐單。 菜式中文名稱搞笑抵死。套餐包括是日餐湯，今日係龍蝦湯，湯味香濃，入面仲有幾粒龍蝦肉。主菜係火燒牛後欄， 個名幾搞鬼，其實係 Grilled 10oz rib eye。 不過店員完全沒有問我要幾成熟 ，牛扒來到係well-done狀態，不能呈現最佳牛味同口感，牛牛白白犧牲了。但蔬菜好香好好食。 餐茶要咗青檸薄荷梳打，大大杯唔甜幾好！牛扒餐$228，埋單連加一約$250， 好多外國人都帶埋佢哋嘅狗狗，係呢度食野輕鬆一下。