尚鮮海鮮料理 (已結業)

之前係旺角已經食過呢間「尚鮮火鍋海鮮料理」，當時覺得好食，話過可以再幫襯。今次出開銅鑼灣，發現果邊都有分店，唔洗諗啦，就食佢！😍—上次雞牛豬都食左，今次決定叫其他野試下。雙拼湯底（血池麻辣／姬松茸冬瓜湯）本身藍妹都食到辣既，不過唯獨麻辣受唔到。😞呢個麻辣對藍妹黎講係幾辣既，湯就飲唔到嫁啦，但好香，麻果方面做得唔錯。唔飲個湯，就咁淥野食，藍妹覺得好正，可以一戰。😃不過對比起麻辣湯底，藍妹都係最愛姬松茸湯底，個冬瓜湯好夠味，唔洗驚淡。姬松茸味出哂黎，好香既菇味，藍妹食哂全部姬松茸。🤤—特尚手切牛雖然上次食左牛，但真係唔可以唔叫。啲雪花靚到呢，真係對得住個價錢。😝輕輕一淥，仲有少少淡粉紅色。入口牛既油脂化開，肉質好林，回味無窮啊。🤤—二人海鮮尚盛對甲殼素敏感既藍妹平時好少食海鮮，今次陪男朋友叫左個拼盤，一試無妨。整體都算新鮮，連蠔都冇腥味。唯一係蝦差少少，啲肉有少少梅。😣鱔同聖子好正，爽口又鮮味。😊—五味豚拼盤豬拼盤姐係豬雜，鐘意食內臟既人就滿足啦。豬紅、豬肉片、豬粉腸、豬潤同豬皮。所有野既份量都好夠，兩個人食絕對食到飽。豬肉片肉質中上，但相比起牛肉一定會淡味好多。🤔藍妹最鐘意係豬潤，然後係