影片
更多
2021-06-25
205 浏览
好姊妹生日，竟然要求食台式火鍋？真係出乎意料。其實我只係食過兩三間台式牛肉火鍋店，牛大人分店相對較多，而且最近去過荃灣分店，感覺良好！今次一於去其他分店比較吓。尖沙咀加拿芬道分店比較易book 位，但去到嗰陣依然人山人海😅。有book位快啲，等5分鐘左右就入得，walk-in 就睇運氣，所以最好早少少book定位啦！店內同荃灣分店差唔多，但就冇卡位，所以枱與枱之間比較迫，人多嘈雜，傾計都要大聲啲。😅 所以好嘈！今次揀鴛鴦湯底（＋$50），可以一次過試齊藥膳麻辣鍋/酸菜白肉鍋。即時入會可享有9折或免費升級鴛鴦鍋。藥膳麻辣鍋（小辣）淡淡嘅藥材味，小辣小麻，其實唔多夠味。建議食中辣會過癮啲。眷村酸菜白肉鍋酸菜入味，而且量多，湯底酸酸地好解膩，白肉都好多，建議滾到最後先食，超正！火鍋配料急凍櫃有好多火鍋配料，蜂巢豆腐最吸湯，必選！雲耳、雜菜、菇菌、貢丸、牛丸、魚蛋、蟹柳，種類繁多。餐點熟食鹽酥雞，微溫唔多脆油炸鬼過硬唔脆美國SRF 極黑牛套餐牛肉每碟兩片，切到薄過張紙，想柴口都幾難。牛肉偏瘦，反而豬肉比較好食。兩個人叫咗十幾廿碟，絕不誇張。推介牛五花，豬五花，牛肩胛肉。海鮮方面，有海蝦，沙白大
尖沙咀加拿芬道分店比較易book 位，但去到嗰陣依然人山人海😅。有book位快啲，等5分鐘左右就入得，walk-in 就睇運氣，所以最好早少少book定位啦！店內同荃灣分店差唔多，但就冇卡位，所以枱與枱之間比較迫，人多嘈雜，傾計都要大聲啲。😅 所以好嘈！今次揀鴛鴦湯底（＋$50），可以一次過試齊藥膳麻辣鍋/酸菜白肉鍋。即時入會可享有9折或免費升級鴛鴦鍋。
藥膳麻辣鍋（小辣）淡淡嘅藥材味，小辣小麻，其實唔多夠味。建議食中辣會過癮啲。
眷村酸菜白肉鍋酸菜入味，而且量多，湯底酸酸地好解膩，白肉都好多，建議滾到最後先食，超正！
火鍋配料急凍櫃有好多火鍋配料，蜂巢豆腐最吸湯，必選！雲耳、雜菜、菇菌、貢丸、牛丸、魚蛋、蟹柳，種類繁多。
餐點熟食鹽酥雞，微溫唔多脆油炸鬼過硬唔脆
美國SRF 極黑牛套餐牛肉每碟兩片，切到薄過張紙，想柴口都幾難。牛肉偏瘦，反而豬肉比較好食。兩個人叫咗十幾廿碟，絕不誇張。推介牛五花，豬五花，牛肩胛肉。海鮮方面，有海蝦，沙白大蜆，味道鮮美。
飲品方面比荃灣店更多，除冷泡茶外，有更多汽水，果汁。
甜品除咗仙草芋圓，仲有Movenpick 雪糕，比荃灣多啲選擇。
牛大人喎算特別好，但都唔差。想吸引人幫襯，就要提高質素，熱食真係要改善一下。
张贴
