影片
更多
2021-10-02
76 浏览
之前都食過牛大人嘅其他分店，今次就試吓尖沙咀分店。環境好大，好多自取嘅位置，飲品同樣係款式多多。今次就揀咗最貴嗰個和牛餐，另外都發現有新款式！藥膳牛蒡鍋都幾特別，裏面有好多芫荽同埋牛蒡，係新湯底，比較清新少少。牛方面食最貴嗰餐其實都係為咗佢嘅和牛牛丸，一樣冇失望，彈牙又香濃！澳洲和牛M5牛肩卷+安格斯牛小排+牛胸爽都係C餐我心目中嘅必食之選，各有各好食，M5肉味比較重，牛小排就脂肪比較多，牛胸爽就係最勁嘅脂肪，但我好鍾意食因為真係爽口，唔係度度有得食！B餐嘢食我哋都叫得，我就會推介美國PRIME極級肩里肌，其實質素唔錯，比得上C餐，有油花且肉質嫩，多咗個理由可以揀B餐了！其他特別食物方面，好鍾意食漿，章魚珍珠漿+蟹籽墨汁漿都好正，除咗質感爽口彈牙，隻味都真係突出，而且有一粒粒嘅口感。鍾意食冇水不妨試吓牛媽秘製滷牛筋+牛媽秘製滷牛肚，都係比較入味。佢呢度嘅水餃同中式嗰啲有啲唔同，個皮基本上係唔會變透明，雖然唔係薄身但係質感唔錯㗎。瓜仔雞水餃+花蓮扁食（手工小雲吞）有啲爽口，輕微鹹香，加上裏面有啲菜，配搭不錯。海鮮方面一定唔少得鮮甜海蝦+脆肉鯇魚片+新鮮沙白，都算係幾新鮮，粒粒開口，海蝦紅
藥膳牛蒡鍋都幾特別，裏面有好多芫荽同埋牛蒡，係新湯底，比較清新少少。
牛方面食最貴嗰餐其實都係為咗佢嘅和牛牛丸，一樣冇失望，彈牙又香濃！
澳洲和牛M5牛肩卷+安格斯牛小排+牛胸爽
都係C餐我心目中嘅必食之選，各有各好食，M5肉味比較重，牛小排就脂肪比較多，牛胸爽就係最勁嘅脂肪，但我好鍾意食因為真係爽口，唔係度度有得食！
B餐嘢食我哋都叫得，我就會推介美國PRIME極級肩里肌，其實質素唔錯，比得上C餐，有油花且肉質嫩，多咗個理由可以揀B餐了！
其他特別食物方面，好鍾意食漿，
章魚珍珠漿+蟹籽墨汁漿都好正，除咗質感爽口彈牙，隻味都真係突出，而且有一粒粒嘅口感。
鍾意食冇水不妨試吓
牛媽秘製滷牛筋+牛媽秘製滷牛肚，都係比較入味。
佢呢度嘅水餃同中式嗰啲有啲唔同，個皮基本上係唔會變透明，雖然唔係薄身但係質感唔錯㗎。
瓜仔雞水餃+花蓮扁食（手工小雲吞）
有啲爽口，輕微鹹香，加上裏面有啲菜，配搭不錯。
海鮮方面一定唔少得鮮甜海蝦+脆肉鯇魚片+新鮮沙白，都算係幾新鮮，粒粒開口，海蝦紅卜卜顏色好靚。
台灣最主打嘅小食，即食熱辣辣都有，士林鹽酥雞（辣）+真豬小香腸+魚香皮蛋豆腐，全部都好正，十足台灣夜市風味，次次嚟到我都會要。
水蓮菜都係不停點嘅選擇，爽口，而且平時好少食到，打邊爐朔左湯底味道一流。
私房鴨血（辣）特別彈，仲有啲胡椒香味，正！
美人花膠通常一開始點，但係去到後尾就會比較飽唔係幾想食啲咁膠質嘅嘢，所以要視乎自己再決定點唔點，無謂浪費食物。
飲品方面除咗出面嘅自家製泡茶，特色台灣罐裝盒裝飲品之外，仲有得落order例如金桔椰果，不過我就覺得味道比較甜，都係鍾意飲無糖茶多啲。
甜品就必備係Movenpick，但今次發現有限定甜品哈根達斯椰子菠蘿x冧酒雪糕，平時都好貴，所以酒店，好正，果然椰子、菠蘿同冧酒嘅味道都好突出，冇令我失望，好enjoy！
===
张贴
