藍鳥葡國餐廳

营业中

休息中

下午茶時段食藍鳥貪佢唔洗等位，同家人去食仲俾咗張八人長枱我地坐得鬆動d。雖然都係要掃QR code落單，但一樣有俾餐牌睇下嘅，我地叫咗幾樣野食啦。吉列咖喱豬扒飯，豬扒好厚又大塊，小朋友一食到停唔到口😂黑松露意粉可以揀多意粉多汁，一大碟夠兩個小朋友食，意外地仲有好多車厘茄😂小朋友食多d蔬菜好呀。焗咖喱雞飯 就正常表現，家人每次嚟都食呢款。而我就見到廚房推介有燒汁牛仔脾意粉就揀嚟試下，豬仔脾就食得多，牛仔脾未試過😂嚟到時候個擺款好豐富，而且牛仔脾個肉質好軟好好食。食哂成碟真係好飽成晚唔洗再食晚餐喇。btw，呢到就算熱飲跟餐都要加兩蚊，算合理收費啦。