影片
更多
2019-04-04
1083 浏览
餐廳：德家日式燒肉店 (旺角)地址：旺角彌敦道593-601號創興廣場4樓旺角作為香港鬧市嘅中心，當然有唔少美食可以喺度搵到，今次去到創興廣場覓食，睇吓今次食啲咩先😋！創興廣場4樓有一間餐廳叫德家日式燒肉店，牛肉盛燒肉半放題任飲任食兩個鐘先係$258(成人；星期一至四)，呢個價錢究竟包啲咩嘢食？一齊睇下啦😎！先來嘅係五款特選牛肉，包括五個唔同部位：牛肋肉，一口牛，牛脊肉，牛舌，牛胸腹。牛肉非常新鮮，顏色帶鮮紅色，上到台時已經非常吸引，牛肉嘅筋同紅肉分明，未食就已經流晒口水🤤牛肋肉同牛舌相對比其他部位較韌，一口牛和牛脊肉有入口即溶嘅感覺，牛胸腹經過醃製，肉味濃郁之餘亦因調味料調較出更重的牛鮮味。每一舊牛肉燒至七八成熟時剛好鎖緊肉汁，放入口的牛肉隨即在口中爆發，令整個口腔都充滿住鮮牛肉嘅精華🥩令人食完一舊之後就忍唔住食第二舊，不過食得多都會膩，所以都要食下其他食物🙈除咗牛肉之外，呢度嘅羊扒亦都係推介嘅食物之一，每一塊羊扒都唔算好大件，亦唔會有好多隻肥膏，極其量有少少嘅筋同骨連住，羊羶味剛剛好，鍾意食羊扒尤其是係鍾意羊羶味嘅人一定要試下☺️呢度嘅海鮮亦都係受歡迎之選，包括有海老、青口、帆立貝等
地址：旺角彌敦道593-601號創興廣場4樓
旺角作為香港鬧市嘅中心，當然有唔少美食可以喺度搵到，今次去到創興廣場覓食，睇吓今次食啲咩先😋！
創興廣場4樓有一間餐廳叫德家日式燒肉店，牛肉盛燒肉半放題任飲任食兩個鐘先係$258(成人；星期一至四)，呢個價錢究竟包啲咩嘢食？一齊睇下啦😎！
先來嘅係五款特選牛肉，包括五個唔同部位：牛肋肉，一口牛，牛脊肉，牛舌，牛胸腹。牛肉非常新鮮，顏色帶鮮紅色，上到台時已經非常吸引，牛肉嘅筋同紅肉分明，未食就已經流晒口水🤤
牛肋肉同牛舌相對比其他部位較韌，一口牛和牛脊肉有入口即溶嘅感覺，牛胸腹經過醃製，肉味濃郁之餘亦因調味料調較出更重的牛鮮味。每一舊牛肉燒至七八成熟時剛好鎖緊肉汁，放入口的牛肉隨即在口中爆發，令整個口腔都充滿住鮮牛肉嘅精華🥩令人食完一舊之後就忍唔住食第二舊，不過食得多都會膩，所以都要食下其他食物🙈
除咗牛肉之外，呢度嘅羊扒亦都係推介嘅食物之一，每一塊羊扒都唔算好大件，亦唔會有好多隻肥膏，極其量有少少嘅筋同骨連住，羊羶味剛剛好，鍾意食羊扒尤其是係鍾意羊羶味嘅人一定要試下☺️
呢度嘅海鮮亦都係受歡迎之選，包括有海老、青口、帆立貝等，海鮮唔會有海水或者腥臭味，而且洗得好乾淨，唔好講話食啦，就算淨係睇嘅話都俾人感覺係好想食同唔污糟嘅👍🏾
除咗肉類同海鮮，呢度仲有唔少嘅主食、野菜、燒物；另外亦有bar枱可以自己選擇唔同嘅蔬菜、前菜、甜品、飲品同雪糕等。
甜品方面就試咗忌廉泡芙、朱古力泡芙仲有薄荷朱古力蛋糕，忌廉泡芙有少少膩，相反朱古力泡芙比較無咁膩，朱古力味都唔會太濃厚。薄荷朱古力蛋糕嘅薄荷唔會太出而搶過咗成個蛋糕嘅原味。話雖好食，但係甜品都係適可而止好，因為原來每一個惠顧半放題嘅食客都可以有一杯Haagen Dazs或Movenpick雪糕，而一開始嘅時候仲會送每人一隻燒蠔添👏🏾
總括而言，如果你係牛肉嘅愛好者，一定要嚟呢度食返餐牛肉盛宴，包你有意外嘅收穫。而店員嘅服務都唔差，上菜同更換隔油紙嘅速度亦都好快，值得一試，挑機睇吓你食到幾多牛🐮！
张贴
