影片
更多
2017-04-09
276 浏览
apm的「錦麗」都已經開左一段時間，而家去應該冇咁多人喇掛？選左個星期六下午去，都要排十幾分鐘。入座時候係兩點左右，坐低冇耐已聽到店員話截龍，因為湯底沽清，要到5:30先再供應，所以有心食的要睇住時間。咁到底呢間號稱全越南最正的越南粉（pho）店，有冇言過其實？先睇睇menu，pho方面貴精不貴多只有5款，配料都係生牛肉、熟牛肉、牛丸同綜合的唔同配搭，唔食牛的真係唔需要入去（親眼見有唔食牛的客人入座後即刻起身走）。小吃都係得4種，再配一d越南飲品，係香港黎講算係花款好少，但我會鍾意呢種專門的態度，咁先可以保持水準。綜合粉（$58）有齊生熟牛肉同牛丸，伴以一杯芽菜、檸檬葉、辣椒等配料，自己按喜好加入同吃。未食先飲啖湯，濃味得來有牛的油香，但又唔算膩，溫度亦算燙口，唔錯。生牛肉浸熟左之後有少少鞋，熟牛肉其實係牛腩部位，肉質都夠鬆化，反而最出色係牛丸，咬落去牛味好濃郁，油分慢慢滲出來，非常出色，我決定下次再去只叫牛丸河可以了。幼身的河粉夠嫩滑，同湯汁好夾。牛油蒜蓉雞翼（$34）一碟四隻，金黃色賣相加面頭的粒粒蒜蓉，係幾吸引，雞皮炸到勁脆，脆到有點刮口，不過裡面雞肉又好滑，火力控制唔錯。牛油味
咁到底呢間號稱全越南最正的越南粉（pho）店，有冇言過其實？先睇睇menu，pho方面貴精不貴多只有5款，配料都係生牛肉、熟牛肉、牛丸同綜合的唔同配搭，唔食牛的真係唔需要入去（親眼見有唔食牛的客人入座後即刻起身走）。小吃都係得4種，再配一d越南飲品，係香港黎講算係花款好少，但我會鍾意呢種專門的態度，咁先可以保持水準。
綜合粉（$58）有齊生熟牛肉同牛丸，伴以一杯芽菜、檸檬葉、辣椒等配料，自己按喜好加入同吃。未食先飲啖湯，濃味得來有牛的油香，但又唔算膩，溫度亦算燙口，唔錯。生牛肉浸熟左之後有少少鞋，熟牛肉其實係牛腩部位，肉質都夠鬆化，反而最出色係牛丸，咬落去牛味好濃郁，油分慢慢滲出來，非常出色，我決定下次再去只叫牛丸河可以了。幼身的河粉夠嫩滑，同湯汁好夾。
牛油蒜蓉雞翼（$34）一碟四隻，金黃色賣相加面頭的粒粒蒜蓉，係幾吸引，雞皮炸到勁脆，脆到有點刮口，不過裡面雞肉又好滑，火力控制唔錯。牛油味唔算勁，蒜蓉帶點點辣勁，惹味。
另外點左杯凍越南咖啡（$28），以滴漏方式上枱，底部有煉奶，拌勻後倒入凍粒中，飲一啖，透心涼，但都係偏苦，飲唔慣。
其實呢個價錢，呢個質素，係呢個地段算係平夾抵，去隔離茶木食分分鐘仲貴啦，有得選，我會選呢度，起碼有特色一點。
10 浏览
0 赞好
0 留言
12 浏览
0 赞好
0 留言
10 浏览
0 赞好
0 留言
张贴
