錦麗 (世貿中心) (已結業)

weekend訓到晏一晏先出去食Tea，平時中午或者夜晚去食錦麗一定排長龍，所以今日特登下午茶黎食冇咩人，唔洗排隊～錦麗綜合粉（生牛肉、熟牛肉、牛丸）先試啖湯～湯好清甜。生牛肉唔似平時出面唔正宗食個d係肥牛，呢到係牛肉片。味道方面食落都幾嫩，點埋辣椒醬同甜醬仲好食！熟牛肉就係牛腩，份量都幾多同幾大舊。味道方面食落好霖！一d筋都冇，淡淡肉。仲有牛丸，最有驚喜係呢個，好有牛味，平時食個d係完全冇牛味。而且加埋小小筋落去打，彈牙得黎又有d咬口，食完都仲回味緊！河粉方面，平時我麻麻地河粉，但呢個河粉好滑。整體上全部都好好食，價錢仲要咁抵，真係唔怪得日日咁多人排😂😂