影片
更多
2019-12-06
2570 浏览
第一次食唐人館，一行入去裝修好靚，成間玻璃屋咁樣。叫咗一個$1000二人套餐，加幾個點心，埋單用左$400海港城coupon，埋單$2100。黑糖糕個味同白糖糕好似，煙煙韌韌，好味。炸春卷，新鮮熱辣辣。配燒賣個辣椒油好好味，好香，燒賣好大粒。嗌左一杯mocktail，都係用啲新鮮水果打出嚟嘅沙冰咁樣，酸酸甜甜，個樣都幾靚。西瓜汁唔夠甜，無乜味，好淡。隻鴨本來仲有好多皮嘅，但係唔知點解切出嚟得幾片，同埋個皮一啲都唔香，鴨皮應該有嘅油好似冇乜，依個真係好一般，原本嗌個套餐係諗住食片皮鴨，冇諗過個質素會咁差，包片皮鴨果皮都麻麻地，好厚。同埋廚師嘅刀工好差，有啲切到得返啲肉。杏汁花膠豬肺湯又幾好飲，好足料，豬肺一啲腥味都冇，好香濃嘅杏汁味，花膠都好厚，係花膠筒嚟嘅。呢個餸係張乳豬加少少花膠擺埋一齊，乳豬皮好脆，我覺得都幾得意嘅，賣相精緻。依個羊肉餃都幾好味，個酥皮好香，不過配埋一齊有啲奇怪，蛋白好滑，隻蝦都好彈牙。本來仲有個楊枝甘露，我覺得就麻麻哋，嗰啲一粒粒類似西米但又唔係西米嘅嘢好奇怪。我另外叫咗炸鮮奶卷，味道偏甜，但係都OK嘅。呢間酒樓嘅服務都好好，價錢媲美酒店，希望啲小菜做得好少少，點
叫咗一個$1000二人套餐，加幾個點心，埋單用左$400海港城coupon，埋單$2100。
黑糖糕個味同白糖糕好似，煙煙韌韌，好味。
炸春卷，新鮮熱辣辣。
配燒賣個辣椒油好好味，好香，燒賣好大粒。
嗌左一杯mocktail，都係用啲新鮮水果打出嚟嘅沙冰咁樣，酸酸甜甜，個樣都幾靚。
西瓜汁唔夠甜，無乜味，好淡。
隻鴨本來仲有好多皮嘅，但係唔知點解切出嚟得幾片，同埋個皮一啲都唔香，鴨皮應該有嘅油好似冇乜，依個真係好一般，原本嗌個套餐係諗住食片皮鴨，冇諗過個質素會咁差，包片皮鴨果皮都麻麻地，好厚。同埋廚師嘅刀工好差，有啲切到得返啲肉。
杏汁花膠豬肺湯又幾好飲，好足料，豬肺一啲腥味都冇，好香濃嘅杏汁味，花膠都好厚，係花膠筒嚟嘅。
呢個餸係張乳豬加少少花膠擺埋一齊，乳豬皮好脆，我覺得都幾得意嘅，賣相精緻。
依個羊肉餃都幾好味，個酥皮好香，不過配埋一齊有啲奇怪，蛋白好滑，隻蝦都好彈牙。本來仲有個楊枝甘露，我覺得就麻麻哋，嗰啲一粒粒類似西米但又唔係西米嘅嘢好奇怪。我另外叫咗炸鮮奶卷，味道偏甜，但係都OK嘅。
呢間酒樓嘅服務都好好，價錢媲美酒店，希望啲小菜做得好少少，點心還可以。
我覺得，黎依度食下個裝修都幾好，因為間酒樓好大，分好多個位置，我今次就坐喺出面嘅玻璃屋。
张贴
