聯邦金閣酒家

今晚同2個朋友食飯, 因為大家都係片皮鴨癡, 所以專登黎呢度試下.

我地叫左片皮鴨2食, $178, 分別係片皮同生菜鴨鬆.
片皮鴨好正, 隻鴨唔肥, 皮好脆, 3個人真係食唔哂,但係d餅皮唔夠夾, 要加多$30要多1打皮.

生菜鴨鬆: 好食, 同鳳城有得fight, d生菜剪得好靚(個人認為有d多餘), 唔太咸.

魚湯竹笙浸菜苗: 魚湯好甜好清, 都ok.

我覺得呢間service都ok幾好, 食完飯仲送水果盤, 不過唔知點解冇乜人, 10:30只係得番我地一枱客.

我下次都會再去幫襯佢既片皮鴨!