鹿鳴春飯店 (已結業)

同日本client送行，因為片皮鴨在日本賣得很貴，所以和日本人去食京菜應無走雞。和兩個同事一行四人來吃晚飯，呢度一如既往的好生意，平日都坐滿人。叫了韓國肉、片皮鴨、酒糟鴨肝、京燒羊肉、賽螃蟹等。韓國肉似白肉，幾清新，點埋汁酸酸地，作開胃菜不錯；片皮鴨極有水準，難得日本婆不介意食肥，所以就交代侍應不用避開來片，片出來塊塊都皮脆、鴨油甘香而鴨肉鮮嫩，一向以來都覺得吃片皮鴨要吃肥才好吃，以薄餅再夾上京蔥黃瓜再點海鮮醬，真的是百吃不厭，個人覺得是本地水準最逅的片皮鴨；酒糟鴨肝要早幾日訂，呢度的鴨肝鮮味無筋，加上酒香，絕對不比任何鵝肝差，賣90蚊一碟是超值，所以每次來都預早訂定；京燒羊肉外脆內嫩滑，加上裡面一層騷騷的羊油又係超正。還叫了燒餅、水餃等，飲埋酒，埋單一千二百多，以食物水準計是物有所值。雖然這裡不夠場面，但都食到日本婆回味無窮。Sabatini再加鹿鳴春，睇來十月我去九州果面工幹一周，佢地唔會待薄我卦？