烤魚叔叔 (已結業)

鮮青椒爽麻烤魚用既係江團魚，烤魚真係足一條，夠晒足料，江團魚就非常肉質鮮嫩可口，魚香十足，無咩魚骨，啖啖肉，魚肉吸晒啲湯汁，勁香，青椒加上辣椒蒜蓉，又麻又辣，多重口感，唔會係死辣，勁香勁惹味，仲要有啲蟲草花，有啲滋補😝串燒既羊肋條同羊扒都羊氣十足，羊肋條有啲軟骨，有啲咬口，痴住骨既肉都鮮嫩既，羊扒就更加啖啖肉，燒香佐既羊膏同軟腍既羊肉一齊食，份外滋味，兩款都係少少辣，更加帶出羊既鮮味😚串燒既雞腎係大大粒既，雞腎好爽脆好有咬口，又唔會過韌，燒到焦香，有啲辣椒粉，香濃惹味😌串燒既燒安格斯牛肉串同樣肉感滿滿，大大舊既安格斯牛肉燒到外脆內軟，牛味四散，牛肉肉質好嫩，唔駛點調味已經好香夠晒味🙂