佐賀燒肉谷 (雅蘭中心)

营业中

休息中

上網見呢間燒肉幾吸引就約fd去食，上到去係門口就揀食咩級別既餐，我地揀左Lv4既餐，行入去沙律吧隔離會有一次性圍裙。坐低冇耐就上左個牛既頭盤，個人比較推薦三叉肉同牛小排。頭盤以外都幾多肉類選擇，每樣都好食，我地比較偏好牛肉同海鮮。牛肉方面最推薦煙熏壺漬封門柳，咬落juicy，有咬好又唔會柴。海鮮方面蝦都出色，大隻得黎肉質結實好咬好。服務方面上菜速度都算快，就算我地晚市7點入去比較多人都唔洗等好耐就有，店員都會主房關心洗唔洗換網，燒起上黎都唔會痴到焦係幾好。講完好既就講下想佢地不足既位，搵地址既時候見係雅蘭就入左雅蘭，兜左個圈都搵唔到就打電話問，原來係山東街入去牛氣個位，如果OpenRice 同Google 可以多少少舖位guide會好d。另外就係如果時間上可以拉番長到120分鐘就更好，大家可以多d時間慢慢燒慢慢食。