芝加哥串燒酒場 (太和中心)

呢間芝加哥未搬之前食過一次, 感覺幾好。搬左之後再近左我屋企, 又大左舒服左, 咁梗係要再黎啦。去親串燒店, 燒茄子係我必叫既! 本身平平無奇既茄子, 加左大量調味之後即係變左人間美食呀! 燒得好夠腍, 一絲絲咁食堅係正!另外想大讚既係燒去骨雞腿同埋玉子燒! 就咁睇呢兩樣野好普通, 但佢燒得好惹味! 去骨雞腿一黎啖啖肉啦, 再加埋佢地特製醬汁, 好夾! 而個玉子燒, 燒到有D焦香, 唔駛太多調味就已經食到我地一舊接一舊, 雖然得兩個人,我地仲encore左呢個tim!而呢個味噌甲羅燒又係岩哂我呢d重口味人士, 我同朋友仔一日嗒左一個好滿足!黎我食串燒又點可以無啤酒呀, 叫左個frozen beer! 上面係沙冰, 下面係啤酒, 食完串燒解膩一流呀!