多賀野醬油拉麵 🍜
湯底有清香醬油味而不膩，亦唔會太鹹，😍拉麵爽口彈牙，😆叉燒肥瘦適中，入口口感軟熟，不過如果可以再燒香啲就更好，糖心蛋帶少少甘甜，有蛋香味，糖心嘅效果亦都做得唔錯
山梨縣洋梨汁🍐；完熟水蜜桃汽水🍑：
山梨縣洋梨汁味道清甜，生津解渴，飲得出係100%嘅果汁；完熟水蜜桃汽水酸酸甜甜，飲到好香嘅水蜜桃味😋
日式煎餃子🥟：
餃子外皮煎到好香脆，內裏軟熟多肉汁，配埋特製嘅醋汁好夾😜
豚鴨沾面：
😘廚師好細心用蠟燭暖住個湯底，湯底味道香濃，唔會太咸，餐牌寫住係用鴨雞同魚淆出嚟嘅；沾面嘅面質比較實，唔似拉麵咁爽口彈牙，個人就比較喜歡食拉麵🍜
自家製吉列炸蠔🦪：
呢個吉列蠔非常酥脆🤩，外脆內軟，食嘅時候仲係燙口嘅，蠔嘅肉汁同鮮味都鎖住咗，配埋特製嘅醬汁，好似係鰻魚汁加沙律醬，味道非常夾，酸酸甜甜，中和返炸物嘅油膩感
芝麻辛辣拉麵 🌶
好少食到辣味嘅拉麵，呢個拉麵帶少少麻辣同麻油香，越食越上癮，辣味亦都有少少後勁
自家製黑胡椒炸雞🍗：
呢個炸雞好大件，不過火候控制得啱啱好，做到外皮酥脆，內裏嘅雞肉啱啱好熟，肉質嫩滑，咬開嘅時候仲有少少雞油同肉汁滴出嚟😝配埋特製嘅黑胡椒粉同胡麻醬汁非常夾
🍎富士蘋果生芝士蛋糕🍰：
呢個芝士蛋糕裏邊有少少蘋果粒，酸酸甜甜，甜度適中，蛋糕口感軟熟，有少少食緊雪糕嘅感覺，入口即溶，令人回味，食完好想再食多件😍
整體來講，呢間拉麵店嘅日式料理質素全部都好高，睇得出廚師嘅用心同對客人嘅真誠，值得推薦👍🏻👍🏻👍🏻
