大將 (已結業)

天氣一涼涼地又係打邊爐嘅季節啦❣️今次就出動去咗旺角嘅大將，呢度之前朋友食過讚口不絕，搞到我心思思今日就來食下！原來呢度一人一鍋，自己揀自己鍾意嘅湯底，又唔食人口水尾，自己鍾意食乜嘢放落自己個鍋度！更加唔使驚俾人搶咗自己放個嚿肉，感覺好衛生！今次我哋揀咗北海道黑毛和牛套餐 ，呢個係最高級嘅套餐，一個價錢可以食齊所有款式嘅牛肉，包括北海道黑毛和牛、美國極上SDR牛、澳洲和牛、仲可以食到豬肩肉、雞髀肉等等七款上乘肉類！我揀嘅豆乳美人湯底，奶白色，煮肉嗰陣會有陣豆乳香，將黑毛黃牛煮10秒就食得，再點埋醬汁同埋生蛋汁，唔單止入口滑一滑，呢款黑毛和牛肉味特濃，口感好嫩但係食落無咁肥膩同埋唔會剩係得油花香，同肉味都好平衡，真係特別好味😋除咗肉類，自助區都有多款美食任揀，例如有沙律、炸雞、玉子、糖心番薯等等開胃前菜，至於打邊爐唔少得嘅丸丸同新鮮蔬菜都有好多款選擇，例如有生菜、金菇、秀珍菇、木耳、蘿蔔、甘筍、粟米、貢丸、包心丸、海膽丸、年糕、芝士腸、牛丸等等。甜品就有自助扭扭雪糕機，玩得又食得，仲可以加唔同嘅toppings，除咗雪糕之外仲有窩夫機，可以體驗自己整窩夫，感覺好好玩！餐廳：大將(旺角店)地