首先，員工服務態度優越
。初頭行到門面已經出黎服務我地，同我地介紹一下。然後上菜亦細心去介紹個牛扒係點樣享用。最後亦禮貌去收集意見虛心學習，亦為我講解點解要用即棄既木筷子。原來用木筷既原因係唔想污染到牛肉既味係想健康啲無化學物質。（利申：非打手，純粹太正。
其次，食物方面。媽的omg真係好好味
，吉列牛扒既份量就岩岩適量！唔會太少，但又不至於人會食得太漏，牛既份量岩岩好。而且有三款既醬汁配備（蒜蓉、唔知咩汁但甜甜地咸咸地😂但係係好配合牛扒既同埋wasabi）1st會係個未知醬🤔2nd會係wasabi 3rd就係蒜蓉，個人麻麻喜好蒜蓉😳😂我真係幾享受自己煎個種感覺，好正！好好味
另外芝士吉列豬扒定食🤔，都幾好食，但相比佢吉牛就差一個級數。佢既芝士可以拉到好長好長，但味道係略淡既。後尾發覺如果太濃，食咁既份量就會好漏。因為佢既份量都幾多！之後佢都係有配醬汁架，但今次就係一個醬。係沙律醬？加左個醬之後就變得高質左好多好多了，味道豐富左，好味左。繼吉豬既芝士絲、豬扒既口感同埋吉豬既脆皮。再加埋個醬汁，正啊正啊
。
