影片
更多
2019-06-14
665 浏览
「母親節」跟「端午節」兩大節日過後，接續而來又是另一重頭戲~「父親節」了。 還有幾天，大家可準備好慶祝的地方了嗎？若果地點有點偏遠，又或是菜色未必啱食，既花金錢，又平白浪費了一番心機，未免得不償失。 今次介紹位於尖沙咀中港客運碼頭旁邊的皇家太平洋酒店「Cafe on the Park」。以往在附近上班，已經常光顧，家陣上網買套票更有5折（但父親節當天是65折），算起來都不過是$410左右，CP值的確高，加上熱葷類真係好啱在下呢類老餅食。Seafood Station海鮮陣容比起好多Buffet要強。波士頓龍蝦 半開波士頓龍蝦，隻隻有膏，仲要係任食，點會唔吸引吖！鱈場蟹腳 肉質甜美，refill速度亦快。龍蝦鉗 啖啖肉，又無須褪殼，幾方便食。仲有砂白、青口、凍蝦、翡翠螺與及最後頂上的紅龍蝦仔，計落凍食海鮮已經有8款。刺身 有帶子、八爪魚、希靈魚、三文魚及鯛魚。帶子肥美肉厚，就算切開兩半依然有睇頭，加上柔韌既八爪魚，已經好滿足。壽司 必食既有海膽壽司及炙和牛壽司，原片海膽放上壽司飯面，入口即化的感覺真好；炙和牛充滿了油香，又係食極唔厭。簡單的，
還有幾天，大家可準備好慶祝的地方了嗎？若果地點有點偏遠，又或是菜色未必啱食，既花金錢，又平白浪費了一番心機，未免得不償失。
今次介紹位於尖沙咀中港客運碼頭旁邊的皇家太平洋酒店「Cafe on the Park」。
以往在附近上班，已經常光顧，家陣上網買套票更有5折（但父親節當天是65折），算起來都不過是$410左右，CP值的確高，加上熱葷類真係好啱在下呢類老餅食。
Seafood Station
海鮮陣容比起好多Buffet要強。
波士頓龍蝦半開波士頓龍蝦，隻隻有膏，仲要係任食，點會唔吸引吖！
鱈場蟹腳肉質甜美，refill速度亦快。
龍蝦鉗
啖啖肉，又無須褪殼，幾方便食。
仲有砂白、青口、凍蝦、翡翠螺與及最後頂上的紅龍蝦仔，計落凍食海鮮已經有8款。
刺身
有帶子、八爪魚、希靈魚、三文魚及鯛魚。
帶子肥美肉厚，就算切開兩半依然有睇頭，加上柔韌既八爪魚，已經好滿足。
壽司
必食既有海膽壽司及炙和牛壽司，原片海膽放上壽司飯面，入口即化的感覺真好；炙和牛充滿了油香，又係食極唔厭。
簡單的，尚有熟蝦、三文魚及腐皮壽司。
和風冷麵
囝囝是冷麵擁躉，當然食返碗。
麵檔
每次麵檔都有新主題，今次係紅燒牛肉麵，麵底有油麵、刀削麵及米粉選擇，刀削麵比較少見，自然成了不二之選，刀削都比較柔韌有嚼口，牛腩炆得好稔，最難得竟然有鴨血，成碗麵都好豐富。
其實，仲有鮮蝦、牛丸、餃子、豆卜及豆腐。
熱葷
難怪太太話好啱我，講真，超過一半以上熱葷都好想食。
韓式泡菜白汁焗龍蝦除了原有的凍食龍蝦外，更有少許辣味的白汁焗龍蝦，又係由頭供應到尾。
紅麵醬海鮮鍋有蝦、青口、帶子及翡翠螺，味道好似關東煮。
金銀蒜蒸海鮮共有青口、蜆、龍躉及翡翠螺四款，個人最鍾意龍躉肉，因為同金銀蒜味道好夾，而且無骨，好啱懶人。
醬爆三椒炒象拔蚌
象拔蚌好爽口彈牙，而且居然有鑊氣，餐廳啤酒又任飲，好啱。
台式八寶海鮮糯米飯配煎鴨肝賣相好特別，放係迷你蒸籠上邊，糯米飯有蝦皮，所以好香口，煙煙韌韌其實無須加塊鴨肝已經好好味。
賽螃蟹
質素媲美上海菜館，蛋白香滑富蛋香，加點陳醋更可口。
鮑魚素海參扒時蔬鮑魚切片而素海參入味，望落好有宴會的大菜feel。
台式麻辣烤沙巴龍躉陣陣辣勁，與龍躉肉卻沒有違和感，好味。
另外，仲有避風塘廣島蠔、酥炸鹽酥雞、炒韓式年糕、日式燉豬肉及扒香草羊架，口味好多完化。Carving Station
海石燒美國和牛片配韓式泡菜及香菇原來有即燒和牛，熱辣辣又充滿油香，大家千萬不要睇漏眼。
燒原條西冷牛肉烤得恰好，中間位置帶血絲而有嚼勁。而旁邊更有牛油粟米、甘筍仔、烤茄子及蕃茄腸仔四款伴碟。
串燒有烤翠玉瓜、青瓜、茄子、鯖魚及雞肉。沙律吧
當然有DIY沙律。
但其他味道都好特別，有日式豆腐蝦肉伴芝麻醬、鮮淮山蟹肉沙律金盃、韓式龍蝦鉗沙律、台式蝦海苔沙律、台式八爪魚沙律、韓式辣椒蘿蔔、韓式辣椒魚仔及韓式辣椒青瓜，果然充滿了日韓台三地風味。Cold Cut
有常見的Parma Ham、莎樂美腸、煙三文魚與及刁草三文魚。
甜品
以往放係門口的Movenpick雪糕車，已經移入室內，但依然提供瑞士朱古力、冧酒提子、乳酪、士多啤梨、薄荷朱古力與及 Panna Cotta口味，我同囝囝當然不會錯過啦，仲可以加點
topping，令味道更多變。
其實仲可以來個綠茶窩夫加雪糕。
至於甜品有日式豆腐芝士蛋糕、牛油蛋糕、開心果蛋糕、胡桃批、紅桑子朱古力蛋糕、日式芝士蛋糕、白酒果凍、紅豆糕、有機蜜糖黑珍珠糕、巨峰提子啫喱、人参奶凍、珍珠奶茶奶凍、紅豆和果子、芒果布甸、檸檬吉士撻、葡撻、蛋撻仔、花生糊、彩虹椰汁糕及豆腐花。首選一定係開心果蛋糕，因為有喜歡既果碎在內；人參奶凍好特別，人參的回甘甜好重；仲有連囝囝都鍾意既巨峰提子Jelly。
大堂一角仲有自家製班戟機。
飲品
可以話少見的多種類。
第一杯要飲既就係烏龍茶芝士奶蓋，茶味幾突出，奶蓋好綿滑，值得飲返杯。要健康既，有紅菜頭梨汁，清甜滋潤。
又有味道獨特既西柚青檸迷迭香水；飲完對喉嚨好舒服的桂圓羅漢茶。
當然有好大路既橙汁同啤酒汽水任飲。
至於熱飲就有自助咖啡機，所以真係乜都有得飲。
其實已經寫得好簡單，但又確實好啱自己胃口，作為一個父親，如果可以同家人齊齊食大餐慶祝就最好不過！
父親節特別推介 :
意大利風乾火腿配黑松露蜂蜜
連同蜜瓜及哈蜜瓜波一齊食，咸香中夾雜有黑松露油的幽香與及蜂蜜的甜美，不錯。
波士頓龍蝦蟹肉焗芝士通粉好豐腴的口感，每口都有蟹肉，龍蝦鉗又係啖啖肉，通粉煮得帶點嚼口，好味。
鐵板和牛西冷好惹味，但煮得過熟，影響了口感。
草莓蜜糖威士忌沙巴翁 愛甜的朋友必定喜歡，既有輕柔的酒香，質感有若綿花，入口甜美，加上微酸的草莓粒，三扒兩撥便見底。
香煎鴨肝配威士忌蜜糖燴野莓
雖然邪惡，但都要試試，外層煎得微脆，內裡軟綿，蘸點一下威士忌蜜糖汁，正好平衡了油膩感。
蜜餞砂鍋鮑魚海參配紅燒威士忌汁 (位上)壓軸的菜色，為了慶祝父親節，當然要食好少少，鮑魚加海參，既名貴又滋補，就連置底的娃娃菜都煮得好稔。
除了豐富美食，每位爸爸更可以獲贈禮品乙份，但是送完即止啊~!
张贴
