霞飛點心拉麵 (已結業)

平時老爺奶奶去開呢度食野，可以話係熟客仔，話佢d野好食又抵食，仲叫我地父親節出黎呢度飲茶，介紹我地食灌湯牛肉餅，十分比面呢間野。點知o個日去到，見到奶奶嬲爆爆，何解﹖原來今日特別度身訂做左張"父親節餐單"。都知冇好野，但都預左正日係貴少少。點知奶奶鬧爆話價錢比平時mark up左30-50%(嘩！)，仲要冇灌湯牛肉餅食，問個伙計，回答"製作需時"，唔係化，即係叫d客快d食完快d走﹖有冇搞錯﹖況且真係唔多客lor，老爺奶奶平時食開o個個價錢，依家貴個突，當然唔想我地破費啦，所以我地只係求祈小籠包、粗炒、生煎包、雲吞等呢d有得叫o既野食...講真，連我咁咀叼o既人都覺得好好食，好有心思。仲有一樣野，我o個日帶埋屋企個印印出黎，諗住請佢食牛肉餅，佢係十分虔誠o既回教徒，一d豬肉都唔食得，點知咁o岩得咁喬，o個日個餐得只有豬肉o既items，攪到佢有得睇冇得食...可憐~~我本來想再去，但我老公唔比我再去，佢話唔係好食唔好食o既問題，係生意手法o既問題。