小曼谷泰國美食站

营业中

休息中

父親節的節日大餐，足料泰式蟹肉煲仔翅～～～是日爸爸節，家姐早早就預定好呢間係銅鑼灣嘅泰國餐廳同爸爸👨🏻慶祝一年一度嘅父親大人節。家姐話佢之前同朋友去過，餐廳嘅成個裝修有少少似樂園嘅感覺，火車頭裝飾好搶眼，幾適合慶祝嘅日子去🎉。～～～點知黎到餐廳，發覺搵唔到booking，家姐先發現原來佢自己睇錯日子，book錯咗第二日，好在餐廳服務員態度非常好，依然安排咗張靚枱比我哋入座。～～～睇完餐牌之後我哋揀咗一個炒金邊粉，海鮮孖寶（蟶子皇）同海南雞，蒜蓉包，同泰式蟹肉煲仔翅等等。～～～父親節梗係要食啲靚野慶祝下，所以雖然佢哋餐牌好多平價選擇，我都叫咗呢個稍為貴少少嘅海鮮孖寶黎同嘴刁叼嘅爸爸慶祝🎉。288蚊嘅孖寶裏面有牛油蒜蓉燒蟶子皇同招牌海南雞。～～～蟶子皇非常新鮮彈牙，鋪上大量蒜蓉，同埋牛油、蔥花、炸魚仔，食落牛油香氣濃郁，炸魚仔亦好香口，👨🏻爸爸大人食到讚不絕口👍🏻。～～～而半隻嘅招牌海南雞，份量亦很大，雞肉嫩滑，熟度啱啱好，d骨有少少紅，但d肉就完全熟曬，係最恰到好處嘅狀態，配搭嘅海南雞醬料，望落有啲似沙嗲汁，但係食落去係酸酸甜甜嘅，好開胃。😋～～～另外佢哋做緊優惠，惠顧任何食品加$98就