影片
更多
2016-06-24
1352 浏览
行過寶琳地鐵站成日都見到有間放題好多人係度等位，都有少少想試下，咁岩上星期又父親節，就帶左一家人去食。遇著大日子，我梗係book 定位先啦，但係預左去到都係要等位，只不過係唔洗咁耐咁解。去到門口，竟然唔洗等喎，直接入得，正！帶位果個待應都幾好禮貌，去到仲提我地d袋可以放落椅下面，環境又光猛清潔，舒舒服服，幾好！一開波當然係食刺身先啦，佢有十幾款剌身俾我地揀既，但因為果陣都幾肚餓，所以就揀左幾款大熱既剌身先，三文魚，甜蝦同赤貝。三文魚剌身切得幾厚，油脂的分怖幾平均，好有光澤，非常新鮮，雖然呢個唔係三文魚腩位，但都食到魚油香，好滿意！甜蝦唔會好似爭先咁細隻，亦都無雪味，食落口好鮮嫩，連蝦頭都食埋。赤貝都係驚喜之作，出奇都鮮，出奇地甜，要encore！通常食放題係好少叫壽司，遁例試下咁樣，火炙的壽司都整得有水準，唔係hea，特別推薦個火炙三文魚壽司。軍艦方面首選梗係海膽三文魚籽軍艦啦，兩種口感，一啖食又得，兩啖食又得，三文魚籽同海膽都新鮮，但個人不太喜歡兩者混在一起的味道，分開兩啖食好味d。蟹棒壽司好大件，好滿足，蟹棒無雪味，水準已經高過大部份日本放題。熟食方面，燒蠔係信心推介！現場即叫即燒
去到門口，竟然唔洗等喎，直接入得，正！帶位果個待應都幾好禮貌，去到仲提我地d袋可以放落椅下面，環境又光猛清潔，舒舒服服，幾好！
一開波當然係食刺身先啦，佢有十幾款剌身俾我地揀既，但因為果陣都幾肚餓，所以就揀左幾款大熱既剌身先，三文魚，甜蝦同赤貝。三文魚剌身切得幾厚，油脂的分怖幾平均，好有光澤，非常新鮮，雖然呢個唔係三文魚腩位，但都食到魚油香，好滿意！甜蝦唔會好似爭先咁細隻，亦都無雪味，食落口好鮮嫩，連蝦頭都食埋。赤貝都係驚喜之作，出奇都鮮，出奇地甜，要encore！
通常食放題係好少叫壽司，遁例試下咁樣，火炙的壽司都整得有水準，唔係hea，特別推薦個火炙三文魚壽司。軍艦方面首選梗係海膽三文魚籽軍艦啦，兩種口感，一啖食又得，兩啖食又得，三文魚籽同海膽都新鮮，但個人不太喜歡兩者混在一起的味道，分開兩啖食好味d。蟹棒壽司好大件，好滿足，蟹棒無雪味，水準已經高過大部份日本放題。
熟食方面，燒蠔係信心推介！現場即叫即燒，待應拎上黎既時候仲係熱辣辣，用芝士放係蠔上面燒，完全唔覺得「漏」，芝士同蠔肉配合得剛剛好，好食到唔記得影相。
同阿爸食日本野係點到要食熱野既，叫左窩蛋牛肉烏冬，我自問已經好飽，只係試左一件肥牛同幾條鳥冬，肥牛剛剛熟，保持住嫩滑，鳥冬同加左窩蛋的湯好夾，好好味，只係飽到食唔到多一啖，但我對面的爸就一個唔該成碗KO左！轉入最後直路喇，食甜品，可選movenpick或dreyer雪條，二揀一，喂，我梗係揀movenpick，士多啤梨味咪就係movenpick 既士多啤梨味啦！
食完呢餐我終於知道佢有人排隊係有原因既，係真係幾好食，會有下次！
张贴
