影片
更多
2018-07-01
540 浏览
因為出品一向低於水平，足足七年無踏足依間食肆。無啦啦細妹話想食，稱早幾星期前食過都還可以。我唔想諗，求其吧，七年後再次中伏﹗致電訂位不知為何 full 晒，只能 walk-in 等位，還要限時 90 分鐘。食飯期間門外都 keep 住有食客等位喎。細閱 menu 價錢中高路線，都唔平喎。最抵係片皮鴨，全隻只需 $350 蚊，最緊要質素，平無用既。人家邊食邊抹嘴，我就邊食邊抺汗太熱喇麻。隔離兩張檯都有投訴，好采唔係我一個特別燥所以覺得熱啫。埋單放低 $20 蚊小費，經理反應錯愕地說找錯錢嗎？我心諗從來無客放低過 $20 蚊貼士？細妹仲話我好比貼士，態度、服務麻麻地，應該一毫子都唔好留低，我覺得過節溜溜無緊要啦。片皮鴨一隻，配料提供一般的京蔥、青瓜、海鮮醬，似年糕的醃蘿蔔就第一次見。試過丹桂軒會配上芥辣及菠蘿，估唔到非常清新好味道。青春美女侍應們服務平平，我都懶得要求比芥辣喇。只是中型鴨仔，難怪售價經濟實惠，得一碟仔咁少既？原來仲有一碟隨後就到。女師傅用心地將每部份片得靚靚，分門別類排得靚靚端上。京式正常肉少皮多，食其香脆油潤鴨皮。港式剛好相反，啖啖肉黏住少少皮，食落特別滯，依家仲只得一食
致電訂位不知為何 full 晒，只能 walk-in 等位，還要限時 90 分鐘。食飯期間門外都 keep 住有食客等位喎。
細閱 menu 價錢中高路線，都唔平喎。最抵係片皮鴨，全隻只需 $350 蚊，最緊要質素，平無用既。人家邊食邊抹嘴，我就邊食邊抺汗太熱喇麻。隔離兩張檯都有投訴，好采唔係我一個特別燥所以覺得熱啫。
埋單放低 $20 蚊小費，經理反應錯愕地說找錯錢嗎？我心諗從來無客放低過 $20 蚊貼士？細妹仲話我好比貼士，態度、服務麻麻地，應該一毫子都唔好留低，我覺得過節溜溜無緊要啦。
片皮鴨一隻，配料提供一般的京蔥、青瓜、海鮮醬，似年糕的醃蘿蔔就第一次見。試過丹桂軒會配上芥辣及菠蘿，估唔到非常清新好味道。青春美女侍應們服務平平，我都懶得要求比芥辣喇。
只是中型鴨仔，難怪售價經濟實惠，得一碟仔咁少既？原來仲有一碟隨後就到。女師傅用心地將每部份片得靚靚，分門別類排得靚靚端上。
京式正常肉少皮多，食其香脆油潤鴨皮。港式剛好相反，啖啖肉黏住少少皮，食落特別滯，依家仲只得一食，每片就更多鴨肉喇。餅皮只有微弱暖意，幾分鐘已經凍晒，欠缺鬆軟乾爽感覺，莫講麵粉香。
鴨胸鞋鞋乾到起渣，不肥美不滑溜，食兩片已經唔想再食。醃味陰沉單調，香料微弱，無驚喜無食慾，捲幾舊已經厭倦。
片皮鴨，最最最好食係原隻鴨髀，部份皮被削去露出嫩肉，肉汁閃令令，啖啖肉成隻咬，質地結實多汁，甜美可口。
有幾片背脊鴨皮，淨食香脆乾爽不肥膩，味道特濃焦香。食剩不少呢，唔想浪費，唯有連餅皮及配菜帶走，女經理掉低膠盒膠袋就離開，原來要自己包架？
蝦仁炒鱔糊，想要淨炒鱔糊，竟然無供應，那麼走蝦仁可以嗎？都係算罷啦。炒完鱔糊再將清炒蝦仁鋪面，點解要咁做呢？
怪怪的配搭，蝦還蝦、鱔糊還鱔糊，根本無交流，互不相干。咸咸河蝦爽爽，不過不失。大量韮黃炒黃鱔絲，仿如大海撈針，只用韮黃炒唔起碟菜，外觀扁撻撻，用芽菜更好更挺身。
乾鞋韌的鱔絲搭上咸濃醬汁，重口味的烹調，個咸汁超好送飯，但淨食咸到苦。
黃金軟殼蟹，最好都係您喇！難得有一道菜我覺得烹調得不錯，炸得香口鬆脆，乾爽金黃不油膩，爆膏的軟殼蟹，先脆後軟啖啖肉，蟹肉鮮味突出，混上咸蛋黃的甘甜，吃得非常淘醉。
蝦子響螺片扒津白，幾乎睇唔到的蝦子，當然食不到蝦子味道，厚厚鮑味芡汁緊緊抱著津白，菜甜味不怎麼濃郁，爽爽的不怎麼水潤。軟腍腍的螺片，沒有螺的質地，沒有螺的鮮味，味道及質地似菇多過似螺。
小籠包，微暖送到沒半點煙，明顯包皮已有點下塌，翻蒸的嗎？常溫不燙嘴，沾點黑醋已不用等已經可以直接整粒啪入口。存著小小豬肉湯汁，餡料十足豬肉丸質地，硬實滑嘟嘟。醃味甜而鮮味弱，有點酸醋點綴，合格唔難食。
糖醋松子魚，竟然細妹要點依道菜，一向印象麻麻地，最怕會有腥味或有泥味，照叫無所謂。好好采炸得透徹，完全無出問題喎，金黃香脆肉實，滾上酸酸的汁，有菠蘿甜還可以。
片皮鴨一隻
31 浏览
0 赞好
0 留言
片皮鴨一隻
44 浏览
0 赞好
0 留言
片皮鴨一隻
29 浏览
0 赞好
0 留言
片皮鴨一隻
13 浏览
0 赞好
0 留言
蝦仁炒鱔糊
31 浏览
0 赞好
0 留言
黃金軟殼蟹
25 浏览
0 赞好
0 留言
蝦子響螺片扒津白
18 浏览
0 赞好
0 留言
小籠包
61 浏览
0 赞好
0 留言
糖醋松子魚
30 浏览
0 赞好
0 留言
张贴
