陸陸雞煲火鍋 (已結業)

值著父親節跟爸爸吃雞煲，聽說66有水準，就來試試。個名改得直接，應該是取孩音在火鍋＂淥＂食品的意思。設計都很有趣，入門有星戰公仔，桌子上有漫畫介紹如何食火鍋。周日當然旺場，我們坐樓上。雞煲必要少辣，唔辣無風味，亦唔夠正宗，雞滑汁濃，辣外亦有些麻，好彩老爸同我都食得少少麻辣，我們覺得好美味。雞大大件，但無肥膏，無火燒，安全又唔太熱。白鱔片新鮮，脆脆地。珍寶帶子大到你唔信，一客四粒，有半隻手掌大，極鮮甜。鴛鴦釀油條（百花＋鹹牛肉）我們好欣賞，灼完之後仍然好脆，有祕缺的，灼廿多秒即刻食。日式玉子燒我梳乎蛋點可以唔食蛋，見有即點，真是日本玉子，甜甜的，又軟滑，超美味。牛三拼三拼之中，手切牛肉最肥美，牛肉粒要灼久些，否則裡面依然冰冷。青檸疏打水馬上降溫，抵飲。