Three on Canton

今次係食生日飯，咁啱撞正父親節前夕，好似有得送酒精類飲品一杯，不過我地就冇囉...生蠔一定每次俾晒3款你冇得選，其中1款好咸又細隻冇咩蠔味，不過凍盤來說算多選擇，青口都分兩種，仲有蟶子添～至於菜式都跟出面差不多，有芝士區、凍肉區、沙律區，熟食不多，但可叫師傅幫你煮面，中式、西式都得，呢樣幾得意～而肉類可以叫師傅切，有羊／西冷，不過偏生，Medium都唔到，血水多到食唔落...怕怕...甜品是一整件要自己切，好處係要幾多由自己決定，壞處係d小朋友切到一枱都係，好在清潔夠快。叫餐飲時說了是2杯peppermint tea，送來時是一大壺＋兩隻杯，很是貼心。訂位時多次確定是慶祝生日，餐廳主動提出送一件心太軟＋寫字，到最後送上來還附了蠟燭，服務生也主動說可幫我們合照，她笑容可掬又有禮貌值得一讚。