順豐良心飯店 (已結業)

每次嚟到順豐食飯，到總係令我有一種好親切嘅感覺，因為呢度除咗$26元可以任食十多款小菜及白飯/白粥及任飲例湯之外，最重要就係個老闆娘(多姐)真係非常之好人，而且愛心嘅程度簡直爆哂燈，經常派飯比老人家，非常有善心，好喇~講番飯餸方面先，今日都有唔少款式嘅餸，例如：柱候醬炆蘿蔔、咖喱薯仔豬扒、蒸水蛋、紅燒豆腐、豆角炒魚崧、番茄炒蛋、炸魚、蒸魚、蒜茸炒白菜、炒椰菜、花生炆豬手等，例湯係~粟米紅蘿蔔煲豬骨，而係係絕無味精，飲完唔會口渴，下次我一有時間嘅話，我一定會再去順豐食飯嘅