順豐良心飯店 (已結業)

今日信守承諾，回來幫襯老板娘。約一點到達，見每張枱都有食客。我立即走上前先附錢，老板娘遞過餐碟。剛巧有新來的食客，問老板娘是否任食？老板娘回答係任食，但只可攞一次！原本任食的條款原來已經改咗了。老板娘話因為仼食，所以有好多人都好浪費食物，所以只可以拎一次。其實$32一次性任食都好抵，有飯有湯。今次滿滿的一碟，我諗起碼有6-8樣餸。雖然未至於多次任食，但以$32有八餸計。抵！

一直想試吓良心小店，可惜很難找到機會，今天機會來了，下午三點要到附近開會，所以今天特別遲一點出門食午飯，夾時拜訪一下順便開會。小店營業時間是11:30-2:30， 我離開公司已經1:15,心想去到都收吧，所以立刻飛的前往，去到約1:35pm; 果然餸菜所剩無幾，白飯跟湯都見底了。既然來到，梗係食！先付款，$32一位，任食，雖然已經冇乜嘢食。（的士車費都$45）我跟老板娘説咕嚕肉冇哂嘢，老板娘親切地回應，夠，夠你食；又啱嘅，係夠我食，所以我幫佢清咗碟咕嚕咕肉。說實話，雖然係餸尾，但我覺得每碟餸都好好食，唔太多油，又冇乜味精，老火湯足料，自家醃的咸魚，有咸香味，雖然飯餸都涼了，但食得出人情味！我應承了老闆娘下次會早啲到。

建議： 唔驚你食哂，只驚你食唔飽😂#試伏專員 最鍾意就係周圍覓食🤭今日食到去新蒲崗街市，陣人情味出番哂黎☺ 依家好多新式街市都改裝過，有哂冷氣😂 時代既變遷，當然都有好有唔好。之前睇過介紹，好似話舊街市會慢慢拆卸。襯今次好好感受下真·香港既情懷，仲有「阿媽式覺得你唔飽」😆❤️ 係愛呀今次試左：▫️HK$32 街坊放題世上除左阿媽/阿婆/阿嫲會覺得你食唔飽，第四個女人一定係老闆娘❤️除左有超過10餸任食之外，仲有白飯/白粥/湯任裝。老闆娘仲時不時會講「食多啲」「飲多啖湯」「有白飯食呀」「咸蛋黃？食唔食」「菜好靚！食多啲」「岩唔岩食呀」😂全程飯佢係甘指住啲飯話記得食多啲，唔洗驚唔飽😛 淨係食左兩輪餸，其實已經好飽。加埋碗湯👍😌真係超滿足餸既款式真係好多，唔會偏咸。咕嚕肉同蕃茄炒蛋都Encore 左👍 煲湯超足料，落左好多紅蘿蔔同豬骨，仲見到有少少粟米粒🌽 飲落都幾清甜。留意番記得食幾多拎幾多，無謂浪費食物同餐廳既心意👍仲有要帶番口罩先好行出去拎餸。自助式經營，食完記得要自己收番啲碗筷😌

窮遊香港-新蒲崗全港最平$32午市任食 十多款住家小菜 聽講就嚟清拆 所以去試試 記錄下.今日呢間係彩虹道熟食中心 係鑽石山站行過去大概7分鐘 行過去唔算耐 .👎🏻環境方面 街市熟食中心冇冷氣👌🏻場內有大量風扇 keep住比強風吹住 感覺唔算熱 但對環境有要求嘅人士 可能就唔太適合啦.佢地開星期一至五11:30-14:00講講野食 款式都算多 有十幾款有瓜 有魚 有菜 有肉 仲有粥 湯 飯任添啱啱開門 眼見都有近15樣野食 仲會不斷出新野⭐️蕃茄炒蛋 ⭐️小辣油菜 ⭐️咕嚕肉 ⭐️薯仔咖哩 ⭐️炸豬扒⭐️肉餅 ⭐️炒青豆 ⭐️炸魚 比較有驚喜嘅係仲有⭐️蒸鯇魚👌🏻味道方面 係清淡住家嘅口味 👍🏻個老火湯 好好飲 見到煲湯都落咗唔少骨去煮.見到好多基層街坊去食好似大家都識得咁 同老闆有講有笑每個人都拎到隻碟成坐山咁 老闆仲會問佢夠唔夠食整體價錢十分良心 值得支持.#hkfunfoodrecord窮遊香港#hkfunfoodrecord_新蒲崗. #順豐良心飯店 (新蒲崗)地址：新蒲崗雙喜街8號彩虹道街市及熟食市場1樓CF14號.⭐️評分：味道：3/5環境：1.5/5服務：-/5抵食：5/5

每次嚟到順豐食飯，到總係令我有一種好親切嘅感覺，因為呢度除咗$26元可以任食十多款小菜及白飯/白粥及任飲例湯之外，最重要就係個老闆娘(多姐)真係非常之好人，而且愛心嘅程度簡直爆哂燈，經常派飯比老人家，非常有善心，好喇~講番飯餸方面先，今日都有唔少款式嘅餸，例如：柱候醬炆蘿蔔、咖喱薯仔豬扒、蒸水蛋、紅燒豆腐、豆角炒魚崧、番茄炒蛋、炸魚、蒸魚、蒜茸炒白菜、炒椰菜、花生炆豬手等，例湯係~粟米紅蘿蔔煲豬骨，而係係絕無味精，飲完唔會口渴，下次我一有時間嘅話，我一定會再去順豐食飯嘅

順豐良心飯店😎$26幾年前響新蒲崗返工都間中黎食，個時記得$24，過左咁多年，竟然都係加左$2🙈而且真係任食，白飯，湯水，仲有十多款小菜😎老闆娘仲叫我食飽D🙈

我嚟過順豐良心飯堂食過幾次飯，如果你(妳)係第一次嚟光顧嘅話，相信價錢一定會令到閣下有所感動，每客清一色收$26元，任食廿幾款住家小菜及白飯，例湯任飲，更設有糖水供應，老闆娘好有愛心，每隔一段時間就會免費派飯比公公婆婆，舖面更貼有由社福機構所頒發嘅嘉許狀，我留意到一件事嘅就係，呢度所有嘅食客大部份都係老人居多，每個食客食完飯之後，都會自覺性收拾碗筷，另外一提~嚟呢度食飯第一時間一定要比咗錢老闆娘先，然後才攞碟夾餸

上網睇，無意中見到呢間小店，第一下覺得，有咩可能會咁平！咁岩做野又經過附近，就食埋佢啦☺️👉🏿✨自助街市飯 Hkd 26 💸📌佢呢到係湯加飯加勁餸加甜品😳仲！要！係！任！食！先係26蚊炸😫會唔會太平？老實講係真係幾好食！啲餸都好多選擇，想夾咩就夾咩，好有媽媽既味道，住家飯👍🏿不過提提大家，夾還夾，唔好因爲任食就係咁夾呀！食得晒先好夾，唔好做大晒鬼😊老闆娘仲要勁好人，一有啲咩餸新整好仲夾埋落我個碗到，超好超感動呀😭勁有愛真係好多謝佢💟大家去開個到要多啲幫襯老闆娘啦💖私心地留張合照💖多謝老闆娘made my day🤙🏿

今日病了，決定請一天假給自己休息。睇完醫生，終於感到有點肚餓，突然想到這裏。 因為平日很少會來到新蒲崗，就趁今天“假期”就專誠兜路來這裏吃點東西，來支持一下良心飯店。我是坐巴士到泰東樓下車，然後穿過這裏到熟食中心。真是大鄉里！下午三點熟食中心水靜河飛，沒有人來這裏下午茶的，眼見老闆娘也正在執拾，忙於準備飯盒，我就想打道回府，或者到附近的食肆找吃。老闆娘看了我一下，便問我是不是要吃飯，還很殷切的遞了一個碟給我。既來之則安之，我便接過碟來。另一位員工也很合拍地把用來夾餸的夾遞給我。 由於牆上寫著「請先付錢」，我便問老闆娘要不要先付錢。老闆娘說不打緊，着我先夾餸吃。那時，有七八樣餸菜選擇，而且所剩無幾。由於沒精神，不想吃太多肉，我主要夾了菜吃。其實餸菜都已經冷了 ，湯也不暖，不過我想也無妨吧。 拿好餸菜和湯，便付錢給老闆娘。老闆娘一直在說不好意思，只有剩餸菜給我，就只收了我20元。我正想吃的時候，她又端出一鍋熱騰騰的平菇，撥了一殼給我。太好了，有熱的東西下肚。 味道方面，我覺得是不錯的，就是一般茶餐廳的水準。青菜裡有芥菜和菜心，不油膩 。咖哩洋蔥青椒和番茄炒蛋也很入味。炸魚也很好吃，有點鹹，

香港雖然是富有的國際大都會，但其實至少有過百萬的基層人仕。在物價高昂的香港，想三十元以下找到吃午飯又吃得飽的地方，真是難事！不過凡事總有例外的，所講的是彩虹道街市內熟食中心的「順豐良心飯店」，$24元的自助餐邊度搵，餸任食，飯、湯任添，基層市民的恩物也，真的店如其名有良心！老實講，24元也不能預期有甚麼美味的東西，也不要想會有舒服乾淨的用膳環境了，但老闆娘友善的態度，不時叫你吃飽點的說話卻甚窩心，足以彌補一切。雖然我是味道重於一切的人，但正如我所講的：凡事總有例外的。