吔嘢事無所 (已結業)

店名突出，顏色鮮明，一眼就見到，主打港式三文治🥪便當🍱，下午茶仲推出多款Croffle ，另外有好多養生特飲～玫瑰花蜜配牛蒡、洛神花蜜等，好快就賣哂😯好欣賞店主嘅心思，每一款食品都加上獨特嘅名，玩味十足😆倦鳥孜返就係孜然炸雞配滑蛋，炸雞厚身大件，外脆內嫩，配同樣咁厚嘅雞蛋，食落口感豐富，脆得嚟唔會太乾，醬汁剛好唔會膩😋賤格牛夫熱騰騰🔥嘅Croffle ，放上流動嘅煉奶及花生醬🥜，最簡單嘅配搭，酥脆加香滑，非常滋味🤤露絲瑪莉芝蛛絲加上一大片半溶嘅金文拔芝士、油浸蒜片、蜜糖、及香草，芝士味香濃軟滑，蒜片香脆，加上酥脆嘅Croffle，味道有層次