HAND3AG (中環街市) (已結業)

中環街市美食街仲有好多外賣食，今次試咗Hand3ag嘅三文治。款式好多，仲有沙律、飯同埋小食等等。三文治切好曬，同朋友分享可以食多幾個味，好方便。歐陸監獄鐵板三文治 $54呢個係皇牌！據說係參考外國監獄嘅餐（如果係真都幾豐富喎），有啲香濃芝士通心粉幾有趣。蕃茄肉丸、薯餅同埋蛋都好夾。 法國飛甩鴨毛腿鐵板三文治 $68油封鴨脾一啲都唔油，佢哋加咗蜜柑可以解膩。配搭平時好少見，好味又特別。蝦兵蟹將鐵板三文治 $65小龍蝦沙律加豐富嘅軟殼蟹肉，之後食過一次都要encore！鍾意海鮮嘅朋友唔好錯過。A貨吉列豬扒鐵板三文治 $52假豬扒食落都好似肉。勁多芝士，芝味無窮。脆炸魷魚配士拉差蛋黃醬 $32好酥脆亦都好足料，魷魚夠粗夠煙韌。我鍾意佢個蛋黃醬，酸酸辣辣好惹味，連啲薯條都點埋佢。H自家手切薯條(中）$25幼身嘅薯條，新鮮食炸得好脆。