影片
更多
2018-07-22
41 浏览
同老豆去慶祝生日梗係要搵返間有番咁上下質素嘅中式餐廳食，我哋經過一輪討論同埋聽到電台蘇絲黃嘅節目介紹，決定去奧海城嘅利寶閣，我覺得呢個選擇絕對冇錯，無論餐廳嘅食物、環境既舒適、 同埋服務，確實係一流，連我老豆 要求高嘅人都覺得好滿意，絕對值得推介。呢排餐廳做推介，有原隻鮑魚，可以用刀叉食嘅size，都只係廿蚊一隻， 唔好以為咁平一定係好細隻，鮑魚嘅份量絕對有驚喜，炆得好林 又夠厚肉，呢個唔點就真係浪費，呢個優惠喺餐單上面冇寫，係店員話畀我地知先知道，不過此優惠就每人限定一隻。另外嘅優惠有燒乳鴿，呢個又係唔點對唔住自己，只係28蚊一隻，仲要不限隻數，28蚊嘅乳鴿一啲都唔弱，同平時酒樓食開嘅份量size差不多， 乳鴿炸得香脆好味， 但一啲都唔油，推介必食。老豆生日梗係要食啲好嘢，我地一點左佛跳牆配叉燒蛋飯嘅套餐，都只係188蚊，佛跳牆堅係真材實料，有鮑魚、海參、螺頭、魚翅、花膠等等嘅珍貴材料，絕對絕對超值，簡直係大滿足。利寶閣出名嘅叉燒，絕對名不虛傳， 叉燒蛋飯既叉燒，面頭燒得香甜可口，肥大肉厚，加埋一隻太陽蛋，同埋豉油醬汁，簡直冇得頂。食完覺得太正本來想點多一份， 但係驚你話叉燒已經賣曬
呢排餐廳做推介，有原隻鮑魚，可以用刀叉食嘅size，都只係廿蚊一隻， 唔好以為咁平一定係好細隻，鮑魚嘅份量絕對有驚喜，炆得好林 又夠厚肉，呢個唔點就真係浪費，呢個優惠喺餐單上面冇寫，係店員話畀我地知先知道，不過此優惠就每人限定一隻。
另外嘅優惠有燒乳鴿，呢個又係唔點對唔住自己，只係28蚊一隻，仲要不限隻數，28蚊嘅乳鴿一啲都唔弱，同平時酒樓食開嘅份量size差不多， 乳鴿炸得香脆好味， 但一啲都唔油，推介必食。
老豆生日梗係要食啲好嘢，我地一點左佛跳牆配叉燒蛋飯嘅套餐，都只係188蚊，佛跳牆堅係真材實料，有鮑魚、海參、螺頭、魚翅、花膠等等嘅珍貴材料，絕對絕對超值，簡直係大滿足。
利寶閣出名嘅叉燒，絕對名不虛傳， 叉燒蛋飯既叉燒，面頭燒得香甜可口，肥大肉厚，加埋一隻太陽蛋，同埋豉油醬汁，簡直冇得頂。
食完覺得太正本來想點多一份， 但係驚你話叉燒已經賣曬，所以唯有下次再嚟過。
我哋都再點左其他嘅菜式有芒果大蝦 粉絲雜菜煲賽螃蟹等等可以話樣樣都有質素。
粉絲雜菜煲嘅湯底估佢唔到咁好味， 奶白色嘅湯底帶點魚同豆腐湯嘅味道，配親粉絲雜菜非常好味。
另外賽螃蟹都係值得推介嘅菜式，賽螃蟹除咗嫩滑可口之外，裏面仲 有好多帶子，食落口感非常好，一定要試。
呢個晚餐最值得讚賞嘅地方係餐廳職員嘅服務態度，由經理去到傳菜姐姐，個個都好有禮貌，面帶笑容，令到你覺得賓至如歸，當晚我哋比較晏去到，所以食到十點剩班我哋一枱客，佢哋都會就仲面帶笑容為我哋服務，而最後仲送埋甜品糖水紅豆沙比我地食，絕對係爆讚。
张贴
