Layback Cafe & Bar (已結業)

今日去左尖沙咀行左全日街，同好友想搵間餐廳坐底嘆返個dinner，上網搵到呢間Layback Cafe & Bar，裝潢特別，天花板掛滿好靚既桃花。意式經典水牛芝士蕃茄沙律水牛芝士Creamy極軟滑，蕃茄爽甜多汁有咬口，沙律菜新鮮，口感清新。爆芝炸魚漢堡配薯條漢堡搽上香滑牛油後輕烘，令漢堡包更為鬆軟可口。爆芝效果好吸晴，芝士控唔可以錯過!炸魚炸至金黃香脆，內裡魚肉嫩滑，薯條即叫即炸，香脆可口，好惹味。芝士煙肉焗有機大啡菇菇味香濃，肉厚又肥大，配以芝士煙肉焗製，令味道更錦上添花，味道層次感提升，好滿足!芝士煙肉蘑菇焗薯皮焗至金黃色澤，外皮脆卜卜，加以芝士煙肉蘑菇，充滿鹹香滋味，真係停唔到口。