影片
更多
2019-07-06
48 浏览
而家喺香港越來越多地方有得食蒸氣火鍋，任食嘅又有，食套餐嘅都有，但係水準就可以有好大嘅分別。今日去咗新蒲崗嘅一間蒸氣火鍋，鋪頭嘅名叫蟹仙，打正旗號係食蟹嘅專門店。店員介紹嘅時候，再三介紹話店舖嘅老闆係做海鮮批發嘅，佢會直接向供應商攞貨，所以可以拎到又平又優質嘅海鮮。我哋第一次嚟食，先試咗一款$298一位一共有九款食物嘅套餐，食物包括有蟹，而蟹都有兩款可以揀，分別係越南頂角膏蟹同埋罕有大黃奄蟹。店員介紹翻兩款下嘅分別分別係膏硬同埋軟膏，我就自己比較鍾意食硬嘅膏所以我就揀咗頂角膏蟹啦另外仲有澳洲龍蝦、九孔鮑魚、大元貝、貴妃蚌、海中蝦、龍躉片、紐西蘭青口同埋有機蔬菜。食海鮮之前，店員會先將一啲粥底火鍋嘅配料放喺鍋底。唔同嘅海鮮質素都唔錯，有鮮味。主角就係呢一隻蟹同埋龍蝦，兩個人會share一隻蟹同埋一隻龍蝦。龍蝦嘅size都幾大，而且亦都係有膏，龍蝦肉非常之爽甜！膏蟹真係爆曬膏，啲膏非常之香甜，食半隻實在有啲唔夠。最後食埋啲粥，鮮甜嘅海鮮粥，咁就係完美嘅一餐啦
今日去咗新蒲崗嘅一間蒸氣火鍋，鋪頭嘅名叫蟹仙，打正旗號係食蟹嘅專門店。
店員介紹嘅時候，再三介紹話店舖嘅老闆係做海鮮批發嘅，佢會直接向供應商攞貨，所以可以拎到又平又優質嘅海鮮。
我哋第一次嚟食，先試咗一款$298一位一共有九款食物嘅套餐，食物包括有蟹，而蟹都有兩款可以揀，分別係越南頂角膏蟹同埋罕有大黃奄蟹。店員介紹翻兩款下嘅分別分別係膏硬同埋軟膏，我就自己比較鍾意食硬嘅膏所以我就揀咗頂角膏蟹啦
另外仲有澳洲龍蝦、九孔鮑魚、大元貝、貴妃蚌、海中蝦、龍躉片、紐西蘭青口同埋有機蔬菜。
食海鮮之前，店員會先將一啲粥底火鍋嘅配料放喺鍋底。
唔同嘅海鮮質素都唔錯，有鮮味。
主角就係呢一隻蟹同埋龍蝦，兩個人會share一隻蟹同埋一隻龍蝦。
龍蝦嘅size都幾大，而且亦都係有膏，龍蝦肉非常之爽甜！
膏蟹真係爆曬膏，啲膏非常之香甜，食半隻實在有啲唔夠。
最後食埋啲粥，鮮甜嘅海鮮粥，咁就係完美嘅一餐啦
张贴
