肯尼海鮮 (已搬遷) 新店位置

Duck哥🦆近排好鍾意食大閘蟹🦀可能大家有追開post都知道；其實Duck嫂🦆都鍾意食😋，但就同我一樣怕麻煩，所以都好少係街出面食😂，但外賣(尤其送貨)又充滿風險🥲。但今次為咗氹返Duck嫂🦆，就決定搏一搏，揾好多朋友推介嘅肯尼海鮮 @ 試下。🌟極品. 大閘蟹 5両半-6両 公蟹 🌟極品. 大閘蟹 4両-4両半 雌蟹 網上訂購，準時到達，又用冰袋🧊包裝好。一打開個包裝，Duck哥🦆即刻放心哂，全部非常生猛😍。蒸熟後，雌蟹蟹黃好多而且全部呈橘紅色🟠，味道近似鹹蛋黃😋；公蟹蟹膏口感綿滑，甘香濃郁🤤；最讚嘅係隻隻都係咁，全部爆曬膏😍。總括而言，係暫時嚟講，Duck哥食過最爆膏嘅大閘蟹，另外，送貨仲會包埋紫蘇葉、蟹醋、薑茶粒，當然唔少得拆大閘蟹嘅工具啦。